Sənaye və İnnovasiyalar üzrə Bakı Dövlət Peşə Təhsil Mərkəzinin direktoru Rəşad Xanlarov Stenford Universitetinin Peşəkar İnkişaf Mərkəzi və Qlobal İnnovasiyalar Katalizatoru təşkilatının birgə təşkil etdiyi “İnnovasiya Akselerasiya iX” Proqramında təlimçi qismində çıxış edib.

“İnnovasiya Akselerasiya iX” Proqramı 22 yanvar 2020-ci il tarixində etibarən Azərbaycanda fəaliyyətə başlamışdır. 10 həftəlik onlayn və üzbəüz sessiyalardan ibarət proqram innovativ ideyaların biznesə çevrilməsi və yüksək texnoloji sahibkarlığın inkişaf etdirilməsi üçün nəzərdə tutulub. Sessiyalar beynəlxalq korporasiyalar və universitetlərin mütəxəssiləri tərəfindən həyata keçirilir. Stenford Universitetinin Peşəkar İnkişaf Mərkəzinin təlimçiləri və unversitet professorları iştirakçılara mentorluq dəstəyi göstərirlər.

Proqramın 7-ci həftəsində Sənaye və İnnovasiyalar üzrə Bakı Dövlət Peşə Təhsil Mərkəzinin direktoru Rəşad Xanlarov layihələrin idarəolunması və planlaşdırılması təlimini keçmişdir. Təqdimat zamanı böyük korporasiyalar, xüsusi ilə neft-qaz sənayesində istifadə olunan layihələrin idarəolunması prinsiplərinin startap layihələrində tətbiqi əyani olaraq təqdim olundu. İnteraktiv məşğələ vasitəsi ilə presedent şəbəkəsinin tətbiqi nümayiş olundu.