Tədbirdə çıxış edən mərkəzin direktoru Şaban Cəərçiyev 44 günlük Vətən Müharibəsinin Azərbaycan xalqının birliyini, əzmini və torpaqlarımızın azadlığı uğrunda göstərilən rəşadəti simvolizə etdiyini vurğulayıb.

Milli qəhrəmanlarımızın və şəhidlərimizin əziz xatirəsi ehtiramla yad edilib. Mərkəzin qazi tələbəsi çıxış edərək döyüş xatirələrini bölüşüb, döyüş yoldaşları ilə birlikdə Vətən uğrunda apardıqları mübarizədən qürurla danışıb.

Tədbir çərçivəsində tələbələrin hazırladığı şeir, musiqi və rəqs ifaları, eləcə də Zəfər Gününə həsr olunmuş rəsm müsabiqəsi tədbirə xüsusi rəng qatıb. Yaradıcılığı və təşəbbüskarlığı ilə fərqlənən iştirakçılar mükafatlandırılıb.