Peşəkar bilik və praktiki bacarıqların artırılması məqsədilə Azərsilah Holdinqin əməkdaşları üçün Sənaye və İnnovasiyalar üzrə Bakı Dövlət Peşə Təhsil Mərkəzində CNC Torna və CNC Frez dəzgahlarının operatoru istiqamətində ixtisasartırma təlimlərinə start verilib.

Təlimlər müasir avadanlıqlarla təchiz olunmuş emalatxanalarda, sahə üzrə təcrübəli mütəxəssislərin rəhbərliyi ilə həyata keçirilir.

Bu təşəbbüs əməkdaşların texnoloji biliklərini genişləndirməklə yanaşı, sənaye sektorunda yüksək ixtisaslı və rəqabətqabiliyyətli kadrların hazırlanmasına da mühüm töhfə verəcək.