Peşəkar gənclər bacarıqlarını Qaynaq üzrə milli yarışda nümayiş etdirdilər!

“WorldSkills Azerbaijan” təşkilatçılığı ilə keçirilən seçim turunda Sənaye və İnnovasiyalar üzrə Bakı Dövlət Peşə Təhsil Mərkəzinin tələbələri də iştirak edərək öz peşə bacarıqlarını sınadılar.

Metal konstruksiyaların dəqiq və düzgün birləşdirilməsi, təhlükəsizlik qaydalarına əməl olunması və əməli biliklərin tətbiqi üzrə yarışan tələbələr həm nəzəri, həm də praktik biliklərini uğurla nümayiş etdirdilər.

Yarış iştirakçıları yalnız texniki bacarıqları ilə deyil, həm də məsuliyyətli yanaşmaları, peşəyə bağlılıqları və yaradıcı həlləri ilə seçildilər.

Qalib gələn iştirakçılar 2026-cı ildə Çinin Şanxay şəhərində keçiriləcək beynəlxalq WorldSkills yarışında ölkəmizi təmsil edəcəklər.

Gənc mütəxəssislərimizin uğur yolunda atdıqları hər addımla qürur duyuruq!