Sənaye və İnnovasiyalar üzrə Bakı Dövlət Peşə Təhsil Mərkəzi əməkdaşlıq çərçivəsinin genişləndirilməsi istiqamətində yeni uğurlara imza atmağa davam etməkdədir. Yaxın günlərdə Mərkəz Azərbaycanda ExxonMobil korporasiyasının rəsmi və yeganə distribütoru və mobil sürtkü materiallarının aparıcı təchizatçısı olan “Avto Motor Servis” MMC şirkəti ilə anlaşma memorandumu imzaladı.

Tərəflər arasında anlaşma memorandumunun imzalanmasının başlıca məqsədi yüksək səviyyəli kadr hazırlığında, eləcə də, gələcəkdə işlə təmin olunmalarında və karyera inkişafında Mərkəz təhsilalanlarına dəstək olmaqdır.

Qeyd edək ki, geniş elmi-istehsalat bazasına və təcrübəli ixtisaslı kadrlara malik hər iki müəssisənin birgə əməkdaşlığı sayəsində Avtomobil istiqaməti üzrə təhsil alan tələbələrin bilik və bacarıqlarının inkişafının təmin olunması nəzərdə tutulmuşdur. Birgə fəaliyyət planına əsasən, yeni nəsil ixtisaslı işçi heyətinin yetişdirilməsinə, təhsilalanların bilik və bacarıqlarının təkmilləşdirilməsinə, onların elmi texniki potensialının gücləndirilməsinə, qarşılıqlı maraq kəsb edən mövzularda seminarların, təlimlərin, MasterClassların və digər maarifləndirici proqramların təşkili də mövcud addımlar kimi dəyərləndirilmişdir.

Dövlət-özəl tərəfdaşlıq modeli əsasında yaranan əməkdaşlıq layihəsinin gələcəkdə uğurlu nəticələrini bölüşməyə ümid edirik.