Məzun - Kamal Yusufovun uğur hekayəsi
Sentyabr
ayının gəlişi artıq yeni akademik ilin başlamasına çox az bir müddət
qaldığından xəbər verir. İxtisas seçimlərində yeni təhsilalanlar üçün bələdçi
rolunu oynayan keçmiş məzunlarımızdan biri də Kamal Yusufovla bu səbəblə həmsöhbət olduq.
Kamal, Sənaye və İnnovasiyalar üzrə Bakı Dövlət Peşə
Təhsil mərkəzinin “Avtomatika üzrə usta” ixtisasını məzunudur. Kamal avtomatika
üzrə həm ali təhsil, həm də peşə təhsilinə sahib olan uğurlu gənclərimizdəndir.
Hal-hazırda məzunumuz “Helind” şirkətində proseslərin elektrik sistemlər üzərindən avtomatlaşdırılması istiqamətində çalışır.
Mərkəzdə aldığınız təhsilin sizə nə kimi faydaları
oldu? Burada təhsil almaq karyeranızda nə kimi inkişafa səbəb oldu?
Mərkəzə gəlmədən öncə də çalışırdım. Lakin
çalışdığım sahələr adətən qeyri-ixtisas sahələri olurdu. Bundan öncə ilk olaraq
ali təhsil müəssisəsinin məzunu olmuşam. Lakin praktiki bilik və bacarıqlara mərkəzdə
təhsil aldığım müddətdə yiyələndim. Səbəb isə mərkəzin koreya peşə təhsili
modeli əsasında 60-70% praktiki məşğələlərinin olması idi. Peşə təhsili almaq
öz seçimim idi, çünki sahəm üzrə praktiki sahədə boşluğumu hiss edirdim və bu mərkəz
mənə bu anlamda kifayət qədər yardımçı oldu. Mərkəzin dövlət-özəl tərəfdaşlıq
modeli əsasında şirkətlərlə əməkdaşlıq imkanı mənə işlə təminatda kömək etdi. Hal-hazırda
“Helind” şirkətində çalışıram və işimi ümumiyyətlə, sahəmi sevərək yerinə
yetirirəm.
Gələcək təhsilini peşə istiqamətli davam etdirmək
istəyən insanlara tövsiyyəniz nə olardı? Bu mərkəzi tövsiyyə edərdinizmi?
Qəbul sayına əsasən deyə bilərəm ki, ölkəmizdə
artıq peşə təhsili almaq istəyən şəxslərin sayı ildən-ilə artmaqdadır. Müəyyən
bir sahədə istedadı olan və ya maraq dairəsində olan peşəyə yiyələnmək istəyən
insanlar artıq hara müraciət etməli olduqlarını bilirlər. Mərkəzi ətrafımda peşə
təhsili almaq istəyən bütün insanlara tövsiyyə edirəm, hətta mən bitirdikdən
sonra artıq bu il bir neçə dostum da burada təhsil almaq üçün qəbul prosesində
iştirak edib. Burada 1 il ərzində qazandıqlarım düşünürəm ki, uzun illər boyu mənə
faydalı olacaq. Gələcək təhsilalanlara isə uğurlar arzu edirəm, onları əmin
edirəm ki, mərkəzdə əldə etdikləri pratiki bilik və bacarıqlar gələcək
karyeralarının qurulmasında önəmli rol oynayacaq.
