Azərbaycan Respublikasının Elm və Təhsil Nazirliyi yanında Peşə Təhsili üzrə Dövlət Agentliyi ilə Belarusun Peşə Təhsili üzrə Respublika İnstitutu arasında imzalanmış Anlaşma Memorandumu çərçivəsində iki ölkə arasında peşə təhsili sahəsində əməkdaşlığın mövcud vəziyyəti müzakirə olunub.

Görüş zamanı birgə fəaliyyət istiqamətləri üzrə tədris materiallarının hazırlanması, təhsilverənlərin və inzibati heyətin ixtisasartırma proqramlarında iştirakı, təcrübə mübadiləsi ilə bağlı praktik işlərin icrası məsələləri diqqət mərkəzində olub.

Sənaye və İnnovasiyalar üzrə Bakı Dövlət Peşə Təhsil Mərkəzində keçirilən görüşdə Peşə Təhsili üzrə Dövlət Agentliyinin direktor vəzifəsini icra edən Simnar Mamedov, agentlik nümayəndələri, Sənaye və İnnovasiyalar üzrə Bakı Dövlət Peşə Təhsil Mərkəzinin direktoru Şaban Cəərçiyev, mərkəzin rəhbər heyəti, həmçinin Belarus Respublikasının Azərbaycandakı fövqəladə və səlahiyyətli səfiri Dmitri Pineviç iştirak ediblər. Tərəflər görülmüş işlər və gələcək əməkdaşlıq perspektivləri barədə fikir mübadiləsi aparıblar.

2024–2025-ci illərdə həyata keçirilmiş görüşlər, ixtisasartırma proqramları və beynəlxalq forumlarda iştirak əmək bazarının tələblərinə cavab verən rəqabətqabiliyyətli kadr hazırlığının dəstəklənməsinə xidmət edir.